Missin Euh...

Ab ke jo teri yad me barshe badal,
Sang bheegenge hum v fizaon ki tarah,
Jan me jan to aane se rahi yun bhi,
Sans me hi ghul jayeneg huwaon ki tarah.

Dharkane Chup-Chap hain, Kuchh Kahti nahiiiiii

Rat rat bhar tere sang yun bewazah jagna,
Duaayon me ab khud k liye v, Rab se mangna.
Deewanepan ki ghahrayion me dubta ja raha hun main,
Koi puchhe jo mujhse bewazah hasne ka raj to kya kahun main??

Naye panchhion ka udna dekha hai kabhi??
Angan me uchhalti kudti tutlahat dekha hai kabhi??
Tere unchhuye hatho ki chuan mahsoos kar sakta hun main
Mandeeron ke pathhro me bhagwan dekha hai kabhi??

Mitti ke diyon me to chahat ki lau hoti hai,
Fir kyon teri yaden meri "aankhen" bhigoti hain?
Ye to bas khwahishen hai, jo harek k sine me palti hain...
Suraj ko chhune ki kosis me to pankh yuhin jalti hain!!

Tujhe sab hai pata...

Yun to mukkamal hone ki hazaron sharten hoti hai,
Par tere bina meri aankhe sara bister bhigoti hain…
Tera hona, na hona, bina takiye ke bichhauna,
Bikhre pare kapron ke bichh, kala sa bhagona,
Mobile pe baten karte hue, kursi me hi sona,

Jab bhi khane ko baitho teri yad barishon ka bulawa hoti hai…
Kya krun “Tiffin wale” ke khane me “Namak” bhi to kam hoti hai..

Itz all my world...

"When you look at yourself from a universal standpoint, something inside always reminds or informs you that there are bigger and better things to worry about"...don complain or crib about everything, everytime...as long as u r a participant of dis society...dis is da way I used to live, dis is da way "Aniket" can b...U might hv different thoughts n opinion n I hv respect for dat...bt...not dis time........................................
...If U wanna avoid, avoid its Ur democratic wish...bt don't say Ur unaware of it..."its elephant in ur bedroom"...

...Fir Wohi Rat Hai...

Teri Yaad Aaye To Neend Jati Rahti Hai,
Chand Ab Bhi Muskurata Hai teri Aahat pe...

I QUIT!!!

Aankhon me the thore se sapne,

Hausala v hara hara,

Chal pare the apno se door,

Kanpe the qadam v, zara zara...

Din dhale fir rat hui,

Naye sapno ki shuruaat hui,

Purane shankho ko tor chale,

Jab naye Patto ki bat hui.

Aaj fir waqt ne li karwat,

Man daur ke bhagne ko chahe,

Naye rishton ki hai chamak ,

Par Purane vadon ke aahen.

Paya hai kuchh par khoya bahut hai,

Sapne dekhne ki zid me, tu soya bahut hai,

“Nazren milane ki himmat nahi khud se v ab

Muskurate chehre hain, par dil roya bahut hai”.

Phantom of the mind

Kandhon pe sir befiqra hon, hathon ko kahte hath ho,

Rat ho, Zazbat ho, bas subah ki bat ho,

Thak thakaye zism hon, gahri andheri rat ho,

Ladkhadate se qadam hon, aise me tera hath ho.

Get Your Clock

Kuchh Apni Bat

Fir sham hone ko hai, chalo kuchh uzalon ki baten Karen,
Roshni madhham hi shahi, apnaiyat ke nate Karen.
Bahut hui mukhbiri shyah sannton ki bila wazah,
Ab harek guzarte lamho pe qurban “do char” raten Karen.

Destiny

Haar na jaun mai, khud ko aajmane se pahle….

Mujhe dar hai khone ka tujhe, pane se pahle,

Tujhe apne khwabo me sanjone ki kossis to bahut ki...

Par meri nind na tut jaye, jag jane se pahle….

Adaa

Uske rukhsar se balon ko hata do koi,

Roshni madhham si hai, badha do koi.

Par wo bewazah hansta bhi nahi, kambakht,

Uske sine me ek teer chubha do koi.

Bas Yuhi Kabhi Kabhi....Original Version

Kal jab tu aayee thi to sayad mai so raha tha,

Rat kafi der tak jaga bhi raha,

Yuhin, bas, khayalon ke tane bane me uljha hua,

Bare pench hote hai inke bhi,

Ek kanta nikla nahi ki dusre ki chubhan suru,

Maine kai bar kosis ki, tere bare me na sochun par, tere samne meri kabhi chali hai bhala.

Aaj phir rah rah key tu yad aane lagi hai,

Hawayen fir tej chal rahi hai, sayad barish bhi ho,

Inke bhi apne tarike hai, roothne ke,

Aaj fir mai kis se baten karun, sannate bhi chup hai,

Aaj fir meri rat aankho aankho me gujre, sayad,

Tere jane ke bad bhi, meri kahan chalti hai.

Samandar irna pareshan kabhi nahi dekha, sayad gusse me hai,

Uski bhi wazah zayaz hai…ab wo bhi to nahi aati milne,

Aaj bhi tere Feke Wo pathhar sambhal rakhe hai, usne apni aagosh me…

Tu chali gayee fir se na aane ko…

Teri aahat mai aaj bhi sun sakta hun, han, tere jane ke bad bhi

Tera Hi Qaram

Inke halaat se tu waqiff sachmuch nahi tha?

Ya fir tere bas ka bhi, kuchh nahi tha?

Tinko me simte sapno ko tune hi hawa di thi,

Warna in ankho ko pathhar se behtar kuchh nahi tha.

Harek pal zahunnam ka nazara teri inayat hai,

Warna ek bar me Mar Jane me, kuchh nahi tha.

Tu in nazaron ka andha tamashbin kyo kar hai,

Kya tere bas ka sachmuchh kuchh nahi hai?

Oxygen

Abke sawan me bhi barisho ka daur kam gaya

Badlon ke beech se nikal ke tere ankho me jam gaya.

Thahar jata jo waqt to takleef tujhe bhi to hoti

Dekh badlte mausam ke sang, ye dard bhi kam gaya.

Bujhte Riste

Ab ke Jo mai Teri chahon se chala jaunga,

Mujhko shaq hai ki mai bhi badal jaunga

Teri aahon me dam hai, yaqin hai mujhe, fir bhi,

Meri fitrat hai ki fir tujhko na yad aa paunga

Apne Un kahe risto KO Na Jan PAYE duniya kabhi,

Tera zikra apni yadon me bhi na kabhi launga

Mere aansu jab mujhse har waqt sawal karne lage,

Tu hi bata kab tak mai unse sab chhupaunga.

Aanshu

Kal fir se teri yado ke saye tale, waqt guzar aaya

Rat bhar un bhige ‘palon’ ko aankho me sanjone ki jaddozahad thi,

Par usne bhi mana kar dea ab kuchh bhi dene se,

Dhokha tak nahi, na hi shurkh lali…Wazib bhi hai…

Sari umra to samndar sambhal rakhha tha

Zab bhi sukhi meri sanse, nikal rakhha tha

Mujhko humesha tere hone ka dilasa dea hai isne

Badle me “khoon” bhi bas zara sa, lia hai isne

Ab jabke “too” bhi koi aur chah rakhne lagi hai

Meri ye humraz bhi mujhse ye kahne lagi hai

“Teri palko ki “quiad” me ab kisko rahna hai

Mujhko ab kisi aur ke aankho se bahana hai”.

Bas Yuhin Kabhi Kabhi

Kash ke tera mai ho bhi sakta,

Tere sune ankho se mai ro bhi sakta.

Barso se jo sukhe pare hai khwab saare…

Unhe apne aansuon se bhigo bhi sakta.

Tamnna thi ki, chandni ki madhham lau tale,

Samnadar ki sant thapero ke rau chale…

Aur jab Din ko suraj ki taapish, tujhe chhune ki kosis kare,

To thndhi bargad ka saya mai ho bhi sakta…

Par jaruri to nahi ki mai tumhe pura karu…

Teri har sans me, apni dharkano se jura karu,

Tu to wazud hai khud ka...pura apna…alag ek pahchan…

Nanhe se dil me, balkhate saikro arman…

Par maine to bas chaha tha …

Kash ki aisa ho bhi sakta.

Inayat

Mai kaisa bhi hu, wo mera khayal rakhti hai,

Jab bhi bikhra hun, mujhko sambhal rakhti hai.

Sapno ki umra hai magar tutne ki baten,

Uski baten mujhe hairat me dal rakhti hai.

Jab bhi kosis ki usko zabab dene ki

Fir se koi anokha sawal rakhti hai,

Ta umra na bhul paunga use chah ke bhi mai

Apni sanse meri seene ke pas rakhti hai.

bas ek nazar

Zindagi yun bhi chalti hai…

Na koi dagar hai, na koi rasta,
Na duniya bhar se koi wasta,
Surkh sannato ko sine se lapete…
Bin jani pahchani aankho ke beech,
Zindagi yun bhi chalti hai…

Dam lene ko jo chahu, hasart nahi hoti,
Ab sans lene ki bhi fursat nahi hoti,
Dubte hui dharkano ko bina chahat khinchti,
Umeed darkne lage hai sine ke beech…par…
Zindagi yun bhi chalti hai.

“Khwahiso ka na poora hona, naya nahi hai,
Par usne mujhse kabhi kuchh kaha nahi hai,
Insaniyat ke hatho khud ko geervi rakh,
Darar parte jamino ko pathar se seench…
Zindagi yun bhi chalti hai.”